2012年5月9日星期三

在淘寶內網購,「應該是真的」!?


大家有冇試過在淘寶網上買嘢呢? 我上兩個星期就試過,購買過程, 因為係第一次,所以都覺得複雜!買完收貨後,都唔知係真定係假?

事源我想買個電腦背囊,但係喺市面上所見倒的, 自己覺得貴, 貴係貴在唔值嗰個價錢,睇嚟睇去,有D有牌子嘅(例如: Samsxxxx嘅牌子)要成HK$1,600, 見倒呢咁貴,心感香港D通脹真厲害,幾年前我買嗰個電腦背囊, 而加一模一樣的,同一牌子的,今天要一個double! 香港地D租金貴, 將租金轉介於消費者, 幾年間, 同一件貨品就脹價咗一個double ! 再甚的就係, 一般買背囊嘅電腦舖頭,款式都唔齊, 我原本喺網上睇中一兩個款, 但去到D舖頭都揾唔倒,店員話: 「唔好意思,全部喺晒度,見倒有就有,冇就冇啦!」於是我就咁行咗兩個區,幾間舖頭,都揾唔倒我網上見倒嗰款!唉!唉!

由於自己亦係做香港網上環保生意,所以對網上購物係有信心嘅,當然你要揾倒一間信得過嘅網店啦!所以,我就決定在網上搜集下資料,決定從網上買!網上見倒D款好多,最初想喺 亞馬遜Amazon度買,因為呢D外國牌子,香港舖唔齊款,亞馬遜Amazon一定齊款啦! 結果,有就有, 不過加埋運費,又唔平wor ! 而且亞馬遜大部份D嘢都冇International Shipping ! 所以又失望起來 ! 不過係亞馬遜咁瀏覽,我見倒好多款,好多牌子! 其中一隻牌子叫Taxgxs (化名), 佢哋有一個環保系列嘅背囊,我覺得幾好,又好適合我而加做環保生意嘅方向,所以就決去Taxgxs嘅網頁睇下。原來Taxgxs都有個香港網站,但係冇香港網購,佢哋網站上只係列出咗佢哋D分銷商嘅地址同埋電話。睇咗一陣,唉!嗰D分銷商,有幾間我之前都去睇過啦,都係唔齊款!不過,到Taxgxs嘅網頁睇過後,啤我發現倒Taxgxs佢哋有個中國大陸嘅旗艦網站, 網站內還可以click入買嘢!

好攞! click入去,原來入咗淘寶網,原來Taxgxs喺大陸經淘寶網個平台賣嘢嘅! 我心又在想﹕「淘寶網! 我都未買過嘢,得唔得呀! 」我於是喺Taxgxs淘寶旗艦店睇咗一陣,有我想要嗰款環保電腦背囊,環保係在於佢係由環保物料製造,雖然貴D,對環境又好D,「綠色生活」嘛值得!但係,我又想咗一陣,好唔好喺淘寶買呢?係真定係假呢 ??!!??!!!  最後,我决定喺淘寶Research下,在搜尋的一欄中,我打入咗 Taxgxs嗰個背囊嘅part number,結果出現咗幾十間賣Taxgxs嘅淘寶網店,間間都話自己D貨係正貨,我又在想,如果真係「正貨」嘅,晒唔晒咁大隻字寫啊,你話正貨就係正貨呀?! 唔通寫得大大隻「正貨」兩個字,人哋就信您多D! 唔睇由自可,一睇就信心大跌,點解嗰D網店D價錢同Taxgxs淘寶旗艦店D價錢差咁遠呢? 同一件貨,Taxgxs淘寶旗艦店賣四百幾蚊人民幣,嗰D店舖,可以底到二百幾一件 ?!?!?! 真定假 ????? 唉!喺呢個時侯,有想過唔買啦! 廢事被騙但又在想,今時今日,呢D背囊全部都係喺中國生產嘅啦! 其實可以博一博,反正唔係食落口嘅嘢。於是就繼續睇,決定問清楚D網店!

我於是用QQTaxgxs嘅網上客户服務員, 我問佢﹕「點解你哋D背囊同其他店D價錢相差咁遠?」佢話﹕「我哋係旗艦店,我哋D貨一定係真貨!」傾完之後,我又用QQ問其中一間店, 佢係咁答﹕「He ! He! 我們是代理,有代理折扣,以代理價發售!我們的貨是真貨,有正式代理証明!  唉!聽完之後,我有點感歎,原來今時今日嘅中國,賣嘢係以件貨係「真貨」作為selling point,而唔係sell質量顧客服務、同售後服務! 不過,反思而言,中國巿埸這麼大,又有這麼大嘅進歩空間,其實對香港係一件好事!

當我在掙扎應該喺旗艦店或喺代理店買嗰陣,我又突然想計一計數,旗艦店賣四百幾,代理店賣二百幾,相差32%,所以,如果代理店以35-40%嘅折扣從旗艦店攞貨,那麼嗰幾個「%」的生意,喺中國大陸,大把公司會好願意做,所以,我嘅估計係,代理店D貨有可能係真嘅!於是我就㨂咗一間最多人買而唔係最平嘅代理店,click咗入去睇下,見倒D人留D留言都正面,大部份D人買咗之後都覺得件貨好,但遺憾的是,大部份人唔肯定件貨「係真定係徦」! 喺咁多個留言當中,我所見倒最多的留言句子就係:「應該是真的!」唉! 唔怪得中國咁多人鐘意嚟香港買「正」貨啦! 最後我就終於決定博一博,同咗嗰間代理店買。當然,買之前要用QQ同個網上客戶服務員講清楚件貨要送到香港,郵費到付等等啦!

eco product, green product, green living, eco friendly, organic kids care, personal care, washing ball, e-shopping hong kong落咗單之後嘅第二曰,件貨就到咗公司(見圖),個盒上面寫住Taxgxs旗艦店喺淘寶上嘅網址,再一次証實咗我之前嘅推測可能係正確,帶開盒之後,件貨同我想像嘅一樣,又係嗰句「應該是真的」!

總括來說,第一次喺淘寶上買嘢D經歷都 OK ! 只係大家都係嗰句 「應該是真的」!冇乜實在嘅感覺! 只係喺價錢上,連埋運貨,如果係正貨,都算OK! 反正唔係食落口,都博得過嘅!

大家有冇試過在淘寶買嘢啊?如果小心分析,花D時間搜尋下,唔食落口嘅嘢,唔係啤小朋友用嘅,唔係D個人護理有機兒童護理,唔係綠色環保等等嘅野,都可以博一博,最後都係嗰句: 「應該是真的」!


後,在此邀請大家到我們樂濤網頁睇下,所有貨品都以環保、健康和綠生活為主,「是真貨」的!!
Green product, eco product, green living, green products, organic kids care, household care

作者簡介:  樂濤 (LOTUSmart.com) 為香港一間專營環保、健康、天然、有機、和綠色生活用品的網上商店。